XERTATU

Jarduera: diametro txikiko doitasunezko piezen dekoletajea eta taillaketa.
Herria: Ermua (Bizkaia)
Web orrialdea: http://www.microdeco.com
Sortu zen urtea: 1963
Langileak, guztira: 97

• 1963. MICRODECOren eraketa. Egoitza Eibarren izan zuen.
• 1967. Enpresa gaur egungo egoitzara aldatu zen, hau da, Ermuara.
• 1993. Lehen dekoletaje-enpresa ISO 9002 ziurtagiria eskuratzen.
• 1995. EFQM eredua bereganatu zuen.
• 1999. Zilarrezko ‘Q’a. Euskal saria Kudeaketaren Kalitateari.
• 2002. Urrezko ‘Q’a.
• 2003. 9001:2000 araura moldatzea.
• 2003. EFQM Europar Saria. Sari Berezia, Enpresaren Giza Erantzukizuna aintzatesteko.
• 2004. ISO 14001 Ingurumen Ziurtagiria.
• 2004. ISO/TS 16949 Automozio Ziurtagiria.

EFQM enpresa-bikaintasun eredua goitik behera garatuz, MICRODECOk ondoko alor hauek lantzen ditu: barneko eta kanpoko aurrerapen soziala, ingurumenarekiko errespetua eta hazkunde ekonomiko iraunkorra. Barneko Aurrerapen Sozialari dagokionez:

• Enpresako langileen %100ak prestakuntza jaso du eta talde autogestionatuetan eta hobekuntza-taldeetan lan egiten du (baltzu txikiak eta eragiketa-taldeak); horri esker, langileek beren prozesuen emaitzak kontrolatu eta hobetu ditzakete.
• Aitzindaritza eta banakako zein taldekako aitzatespena lantzen dira.
• Zenbait ikuspegi kontuan hartzea, enpleguari dagozkion alor guztietan (profila, txandatzea, barne sustapena, mailen berrikuspena...) inpartzialtasuna eta zuzentasuna bermatze aldera.
• Langileen berrikuntza-sena sustatzea. Berrikuntza teknologikoaren arloko prestakuntza ematea.
• Langile kopurua bikoiztu egin da azken zortzi urteotan.
• Lanpostu guztietan 5 S metodologia ezartzea, segurtasun eta ekonomia arloan hobekuntzak ekarri dituena.

Kanpoko Aurrerapen Sozialari dagokionez:

• Ingurunea hobetzen laguntzea, eskualdeko gazteak trebatzeko eta kontratatzeko aukerak eskainiz eta, bereziki, laneratzeko arazorik handienak dituzten kolektiboei (emakumeak eta kualifikazio txikia duten gazteak) bideak emanez.
• “Ateak zabalik" egoten diren bisitaldiak, zeinetan inguruneko pertsona adierazgarriek esku hartzen baitute.

Ingurumenarekiko errespetuari dagokionez:

• ISO 14001, ingurumena kudeatzeko sistema, abiaraztea.
• Disolbatzaileak (trikloroa...) ezabatzea, eta horien ordez beste teknologia batzuk erabiltzea; teknologia horiek garestiagoak dira, baina ez dute ingurunean kalterik eragiten.
• Hondakinak (olioa, lokatz oliotsuak, gasolioa...) bildu eta tratatzea, eta bai horien kontsumoa apurka-apurka murriztea ere.
• Hondakin-urak arazteko instalazioak jartzea, urok berriro erabili ahal izateko eta, ondorioz, kontsumoa zeharo murrizteko.

• Langileen asebetetzea eta horien %100ak proiektuak, estrategiak eta ekintza-planak lantzen parte hartzea.
• Aintzatespen soziala.
• Hazkunde ekonomiko iraunkorra: salmentak igotzea; materialen stock-a gutxiagotzea; kalitate alorrekoak ez diren kostuak murriztea...)

• Etengabeko hobekuntzan eta interes-taldeen eskakizunetan aurrerapausuak ematen jarraitzea.
• Inoizkotan EMAS memoria aurkeztea planteatu dute.

Jarduera: Doitasunezko argizari galduzko galdaketa, aireuntzi eta industri sektorerako.
Herria: Barakaldo (Bizkaia)
Web orrialdea: http://www.pcb.es
Sortu zen urtea: 1999
Langileak, guztira: 160
Sozietatearen kapitala: 8,8 milioi euro

• Kalitate-sistemaren definizioa eta ezarpena: 1999. urtearen hasieran
• ISO 9002:1994 – Ziurtagiri hau 2001eko uztailean lortu zuen (BVQI)
• ISO 14001 – Ziurtagiri hau 2002ko urrian lortu zuen
• ISO 9001:2000 – Ziurtagiri hau 2002ko abenduan lortu zuen
• OHSAS 18001 – Ziurtagiri hau 2003ko maiatzean lortu zuen
• AS/EN 9100 – Ziurtagiri hau 2004ko urtarrilean lortu zuen
• EMAS erakundean erregistratu zen 2004ko uztailean

Enpresa bera eratu aurreko unetik bertatik, PRECICAST sozietatea Bizkaiko Labe Garaiak lehen zeuden lurretan kokatzea nahi izan zuten haren arduradunek, Ezkerraldea onera ekartzen lagundu gura zutelako.

Enpresa instalatu baino lehen, lurra garbitzeari ekin zioten (han zeuden olio mineral eta hidrokarburoak ezabatuz); horrela, ingurumenari dagokionez, alde hura leheneratzea ahalbidetu zen.

Enpresa diseinatzerakoan, kontuan hartu zuten eragin estetiko desegokirik ez izatea, zeren ingurune hori industrialdea izatetik egoitzazko gune izatera igaro baitzen; horrenbestez, hasiera-hasieratik azken teknologiak aplikatzen hasi ziren, ingurumeneko eragina ere minimizatzeko asmoz, halako moduz non, aldi berean, Ingurumena Kudeatzeko Sistema ere ezarri baitzuten. Horri buruzko ziurtagiria 2002. urtean atera zuten.

Urte horretan, ingurumen-kontabilitatea ezarri zuten, kontabilitate mota hori anartean gauza berria zenean.

Halaber, enpresak plantillaren motibazio, informazio eta gaikuntzarako egitarauak landu zituen ingurumenarekiko begirunearen alorrean, partaidetza eta hobekuntzarako proposamenak bideratzea ahalbidetuz.

PCBk ingurumenaren arloan duen esperientziaren berri ematen du zenbait jardunaldi eta bilgunetan; ingurumeneko auditoreak elkartrukatzen ditu beste galdategi batzuekin eta komunikazio-bideak zabalik ditu, bai administrazioarekin, bai toki erakundeekin, sozietatearen emaitzak eta enpresak hartutako konpromisoak jendaurrera azalduz.

Enpresak baliabide naturalen erabilera optimizatzen jarduten du, eta energia zentzuz erabiltzen eta aurrezten saiatzen da; horrezaz gainera, sortzen diren hondakinak edo/eta emisioak minimizatzen ere ahalegintzen da. Ondoko hauek dira enpresak ingurumenaren alorrean duen jokabideari dagozkion aspektu batzuk:

• Kontsumoa minimizatze aldera, teknika aldetik posible izan den instalazio guztietan ur-zirkuitu itxiak ezartzea.
• Material arriskutsuen kontsumoa murriztea, alkoholetako bainuak egin beharrean uretako bainuak eginez, zeren eta horrela erabat ezabatzen baita etilo silikatoaren kontsumoa.
• Sortzen diren hondakin arriskutsuak gutxiagotzea, horiek desailkatuz, eta kontsumoak murriztea, bai ikuspegi teknikotik, bai antolaketari dagokion ikuspegitik.
• Hondakin ez-arriskutsuak eta azpiproduktuak berriro erabiltzea, hornitzaileak berak tratamendu egokia eman ondoren.
• Larrialdi-plana zehaztea. Plan hori langileen segurtasun eta osasunari dagokio, eta bai ingurumeneko eraginaren gutxipenari ere.
• Kontratei eta hornitzaileei enpresak ingurumenaren arloan duen politika errespetatu eta aldeztu dezatela eskatzea; horretarako, komunikazio, prestakuntza eta aholkularitza alorreko ekintzak burutzen dira

• Interes-taldeekin diren harremanak sendotzea (administrazioa eta toki erakundeak; prestakuntza-zentroak eta sektoreko enpresak).
• Galdategi baten irudi modernoa sortu da, hiriko paisaian integratuta dagoena eta gizarteak onartzen duena.

• EGE arloan berariazko politika egituratzea.
• “Ateak zabalik" egongo diren jardunaldiak sustatzeari eustea, enpresaren beraren gardentasuna islatze aldera.
• GRI (Global Reporting Initiative) memoria egitea, gaur egun ingurumenaz, gizarteaz eta segurtasunaz eta laneko segurtasunaz eginda dauden memoriak integratuz.