XERTATU

Jarduera: Ingeniaritza eta Kontsultoretza, nekazaritzako elikagaien sektorean espezializatua
Herria: Barakaldo (Bizkaia)
Web orrialdea: http://www.inkoa.com
Sortu zen urtea: 1990
Langileak, guztira: 71

• 1990. INKOAren eraketa. Nekazaritzako elikagaien sektoreko ingeniaritza.
• AJEBASKek emandako saria, 1992ko euskal enpresarik onenari.
• CEAJEk emandako 2. saria, estatu espainiarreko 1996ko enpresarik onenari.
• 1996. TRACK eratu zen. Estrategia eta Kudeaketarako Kontsultoretza, Nekazaritzako Elikagaien Sektorerako.
• 1998an, “Urteko Ekintzaile" deritzon saria Ernst & Youngen eskutik, Berrikuntza Teknologikoaren arloan.
• 1998. EKOTEK eratu zen. Ingurumenaren arloko ingeniaritza eta kontsultoretza.
• 2001. AGROALDEA eratu zen. Nekazaritzako ingurunean teknologia sartzea du xede.
• 2002. SUSTALDE fundazioa eratu zen, Teknologia Berriak landu, ezarri eta zabaltzearen bidez landalurren garapen iraunkorra sustatze aldera.
• 2004. Enpresa XXIeko Enpresaren Berrikuntza Sarirako izendapena.

INKOA taldearen jarduera nagusia nekazaritzako elikagaien sektoreari dagokio batik bat; horretarako, alde batetik, ingeniaritza eta kontsultoretza alorreko jarduerak egiten ditu, eta bestetik, puntako teknologia ematen du, garapen iraunkorraren mesedetan.

INKOAk ematen dituen soluzioak aurretiazko azterlanetan hasi eta proiektuen ezarpenean bukatzen dira. Proiektu horiek ondoko sektoreetan garatzen dira: nekazaritza, basogintza, ingurumena, energia, abeltzaintza, elikadura eta bioteknologia.

Enpresa-proiektu honek lankidetza eta garapen iraunkorra areagotzea du xede; ildo horri jarraiki, garabidean dauden herrien bizi-baldintzak hobetzen laguntzeko ekintzak sartzen dituzte enpresaren politikan eta estrategian, teknologia berriak erabiliz. Horrela, hasiera batean irabazien %7a GKEei ematen zien, harik eta 2002. urtean SUSTALDE Fundazioa sortu arte; izan ere, fundazioak ekintza zuzenagoak burutzea ahalbidetzen die, proiektu handiagoak planteatuz eta finantzaketa osagarriak bilatuz (finantzaketa hori publikoa zein pribatua izan daiteke).

SUSTALDE FUNDAZIOAK bertan zein nazioartean lantzen dituen jarduerak ondoko hauek dira: alde batetik, lankidetzarako eta garapen teknologikorako proiektuak sustatzea eta lantzea, eta bestetik, zabalkuntza, sentsibilizazio eta aholkularitza teknikoaren alorreko ekintzak burutzea.

Fundazioaren proiektuetan, besteak beste, aipatzeko modukoa da e-business plataformaren sorrera; horren xedea da Brasilgo Amazonian bizi diren baniwatarren nekazaritzako elikagaiak ekoizteko eta merkaturatzeko ahalmena garatzea.

Abian diren beste proiektu batzuk honakoak dira: alde batetik, Mexiko barruti federalean ibai bat bizigarri bihurtzea, eta horretarako ibaiertzean bizi diren 200.000 pertsona mobilizatu behar dira, eta bestetik, Hungarian nekazaritzako herrixkak abiaraztea.

INKOA taldea herri hauetan guztietan dago: Xangai, Brasil, Pekin, Hungaria, Errumania, Txile, Mexiko, Argentina eta Peru; halaber, aurreikusita dauka 2007. urterako Marokon eta Algerian ere izatea; izan ere, nekazaritzako elikagaien sektoreak berebiziko garrantzi du herrialde horien ekonomietan.

• Taldearen hazkunde iraunkorra.
• Pertsonen asebetetze handiagoa. Taldekide izateaz harro sentitzea. Helburuekin bat etortzea eta proiektuetan esku hartzea.
• Bezeriaren asebetetze handiagoa

• ISO 14001 ziurtagiria.
• Korporazioaren Barneko Giza Erantzukizunarantz aurrerapausuak emateko konpromisoa, aitzindaritzari eta pertsonen aitzatespenari dagokienez. HOBERA egitaraua.
• Lan-bizitza eta famili bizitza bateragarri egitea. Familia eta nazioartean zehar ibiltzea bateragarri egiteko neurriak egituratu behar dituzte