XERTATU

Jarduera: Renault produktuen merkaturatzea eta konponketa, ibilgailuen alokairua, errepideko laguntza eta aseguruen salmenta.
Herria: Iurreta (Bizkaia)
Web: www.gaursa.com
Sortze-urtea: 1969
Langile-kopurua: 220

• 1969. Enpresaren sortze-urtea, Garaje Urkiola S.A. izenarekin eta 14 langilerekin.
• 1997. Prestakuntza oneko giza talde batekin, hazkunde politika hasi eta, urte horretan bertan, bikoiztu egin ziren salmentak, Bilbon instalazioak eskuratuz.
• 2000-2002. Handitze-prozesuaren jarraipena, erreferentziako lurraldean, Deustuan eta Getxon instalazio gehiago lortuz.
• Zerbitzu eskaintza handitu, bezeroen beharrizanak betetzeko, automobilgintzari dagokionez; honako hauen sorrera: Beste Alde Asistencia, Beste alde Rent a Car, Renault EAVISA, Renault Bilbo Berri Automóviles eta Renault Gaursa. Enpresa Taldearen eraketa.
• 2000. Kalitate sailaren sorrera eta egokitzapen prozesuaren hasiera; urte amaieran, ISO 14.001 Ingurumen Ziurtagiria.
• 2001. ISO 9001 Gaursan; kanpoko prebentzio zerbitzuaren kontratazioa, arriskuen ebaluazioa egiteko; jarduketa planaren garapena.
• 2004. ISO 9001 Kalitate Ziurtagiria Bilbo Berri Automóviles deritzonean. ISO 9001 eta 14001 EAVISAn; horrela, zentro guztietan ziurtagiria. • 2005. ISO 14001:2004 Araua gaurkotu. Multisite ziurtagiria lortu, taldeko zazpi instalazioetarako.
• 2005. Euskarriaren egitura indartu, 220 pertsonak osaturiko talde osoari zerbitzua emateko.
• “Iurreta Saria 2005”. Institutu horrekiko lankidetzaren onarpena, profesionalen prestakuntzarako plataformatzat.
• “NSF 2005 saria”, laneratzeko titulazio zailak dituzten emakume gazteak laneratzeko konpromisoaren ondorioz.

Enpresa horren jarduera hasi denetik, emaitza ekonomiko onak lortzearen eta honako balio hauetan oinarrituriko funtzionamendu estiloaren arteko oreka sortzeko kezka egon da: gardentasuna, konpromisoak seriotasunez betetzea, pertsonen errespetua, jarrera positiboa, azkartasuna eta ausardia (ezarritakoa baino harago joatea). Planteamendu hori hasieran sortzaileen konpromiso pertsonalean oinarritu zen, eta orain finkatu egin da; izan ere, oraingo enpresa estrategiaren eragilea da, eta estrategia hori lau ardatz hauen bitartez egituratzen da: Bezeroa ardatza, Lankideak ardatza, Enpresa ardatza eta Ingurua ardatza. Jarduerek ardatz horietariko bakoitzean duten hedapenak Korporazioaren Erantzukizun Sozialean oinarrituz aurrera egiteko aukera ematen dio enpresari.

• Ingurua ardatza: Ingurua ardatzaren bidez, Gaursak onarpena lortu nahi du, inguruaren gizarte garapenean lankidetza aktiboa ematen duen enpresatzat; izan ere, bertan partaidetza aktiboa dauka eta, horrela, sentikortasuna du bertako beharrizanekiko; gainera, beraren garapena sustatzeko eta bultzatzeko ardura dauka.

• Esfortzua eta talde-lana bezalako balioak sustatzeko konpromisoa, zonako gazte kirolariekin, honako hau bultzatuz: -Durangesa txirrindularitza elkartea (Urkiolako Igoera). -Amorebieta txirrindularitza sozietatea (Udaberriko Saria). -Elorrio txirrindularitza elkartea (30 urtetan). Eremu zabalagoan, txirrindularitzako profesionalekin lan egiten duten taldeekiko lankidetza; esate baterako, Euskaltel Euskadi taldearekin duena, eta horretan, taldeak bere jarduerak erabiltzen dituen ibilgailuak eskaintzen ditu.

• Ikastetxeekiko konpromisoa eta enplegu egonkorraren sorrera. Konpromiso historikoa dago ikastetxeekin eta erakundeekin, gazteak laneratzeko; hain zuzen ere, honako ikastetxe eta erakunde hauekin: Ikasauto Barakaldon, Elgoibar lanbide heziketako ikastetxea, Somorrostro zentroa, Durangoko Fray Joan de Zumarraga institutua, Iurreta LH institutua, Escurce LHI, BBK Gazte lanbidean, Novia Salcedo fundazioa. Erakunde horiekiko lankidetzaren bidez, enpresak lanbide esperientziarik gabeko gazteak hartu, aukera berdintasuneko programetan parte hartu (laneratzeko zailak diren titulaziodun emakume gazteen laneratzea eta trebakuntza sustatuz) eta enplegu egonkorra sortzearen aldeko apustua egin du (epe luzerako proiekzioa duen enplegua).

• Ingurumen konpromisoa. Hondakin bizigabeen identifikazio, bilketa eta kudeaketa egokia egiten da (papera, erregai informatikoak, pneumatikoak), baita hondakin arriskutsuena ere (olioa, izotz-kontrakoa, plastikozko ontziak, metala). Zarataren eta gas kutsagarrien isurketa kontrolatzen da. Baliabide naturalen kontsumoaren murriztapena. 2005ean energia elektrikoan %4ko murriztapena egin zen, eta uretan %3koa, aurreko urteari zegokionez.

• Sektorean lidergoa mantendu du, oso lehiakorra den merkatuan.
• Aurreikuspeneko kultura partekatua sortu da, aldaketak modu positiboan “bizitzeko”.
• Inguruan onarpena lortu du.
• Hazkunde iraunkorra, lau ardatzen arteko orekan oinarrituz: lankideak, ingurua, enpresa eta bezeroa.

• Ikusgarritasuna lortzeko aurrerapausoak ematen jarraitzea: Zerbitzuaren kalitatean aldea markatzen duen enpresa izateagatik ezaguna izatea, eta, filosofia horretan guztiz integraturik dauden lankideen bitartez, merkataritza emaitza onak lortzea; emaitza horiek enpresaren iraunkortasuna bermatu eta hazkundea eragin beharko dute.