XERTATU

• 1961. Enpresa sortu eta ijezketak egiten hasi zen, Aluminios Earle izenarekin.
• 1992. Ekipo berriak lortzeko “Izurde plana” (beroko eta hotzeko goi-teknologiako ijezkailua, bilketa automatikorako sistema, amaierarako makina berriak, goi-errendimenduko galdaketa-labe berria).
• 1992. ISO 9002:1994 ziurtagiria lortu zuen.
• 1998. Alcoak Inespal eskuratu zuen. ISO 9001:2000 eta ISO 14.001:1996 ziurtagiriak lortu zituen.
• 2004. Kalitateko zilarrezko Q lortu zuen, Euskalitek emanda, EFQM ebaluazioan 400 puntuak gainditzeagatik.
• 2005. “Bihotzeko enpresa”, estatu mailako bigarren enpresa (Expansión egunkaria eta IESE).

Alcoa buruzagi-ikuspegia duen mundu-konpainia da; bere balioak zintzotasunean eta zuzentasunean oinarriturik daude eta Ingurumen, Osasun eta Segurtasun politika argia garatzen du. Bere jarduera aluminioaren produkzioan eta eraldaketan oinarritzen da.

Oinarrizko estrategia horretan oinarrituz, Alcoak erkidegoarekin harremanak izateko plana garatu du, bere iraunkortasun-planean euskarrituz, eta hori inguruko beharrizanen ebaluazioan oinarritzen da.

Alcoa fundazioaren laguntzarekin (1952an sortua, hezkuntzaren, kultura-garapenaren, ingurumenaren eta bizi-kalitatearen aukerak hobetzeko eta indartzeko), erakundeen eta elkargoen proiektuak finantzatzen ditu, erkidegoaren (Amorebieta eta ingurua) bizi-kalitatea hobetzen laguntzeko, hezkuntzaren, ingurumenaren, osasunaren eta segurtasunaren arloan.

Jarduketa-plana bi jarduketa-ildoren bidez garatzen da: “Ekintza” eta “Adore” planak.

• Ekintza plana, izan ere, erakunde edo elkargo batek sustaturiko proiektua da, egunero garatzen dena, eta bertan, gutxienez Alcoako 10 langilek hartzen dute parte. Gainera, Alcoak 3.000 dolar ematen dizkio sustatzaileari.

• Adore planak saritu egiten ditu irabazi asmorik gabeko erakundeekin erkidegorako proiektuetan laguntza ematen duten Alcoako enplegatuen banakako ahaleginak. Horretarako, urtean gutxienez 50 ordutan gizarte-erakunde batean lan egin duen enplegatu finko bakoitzak proposamena egin ahal dio erakunde horri, laguntza jakinen onuraduna izateko.

Plan hauen hasieratik, Amorebietako plantan, 225.000 dolarreko laguntzak eman dira; ondoren, garrantzitsuenetariko batzuk daude jasota:

• 1999an, Amorebietako Gurutze Gorriko Anbulantzia Basearen egokitzapena finantzatu zen.
• 2001ean, Amorebieta-Etxanoko Urritu Fisikoen eta Psikikoen Elkartearen Nafarroa eraikineko Errehabilitazio Aretoko ekipamendua finantzatu zen.
• 2002an, Amorebieta-Etxanoko Urritxe institutuan galdaragintzako lantegi-ikasgela bat finantzatu zen.
• 2003an, Garaitondo ibaiaren garbiketa finantzatu zen, eta Alcoako langileek lagundu egin zuten horretan.
• 2005ean, Amorebietako Belatxikieta zelaia garbitu zen. Amorebietako Karmengo Ama ikastetxeko ikasleen bide-planaren finantziazioa.
• 2005ean, Amorebietako Urritxe-Zornotza institutuaren “Energia aurrezteko eta hondakinak biltzeko plana” izeneko proiektua finantzatu zen.

• Hobekuntzak egin dira erkidegoak erabiltzen dituen eremu naturaletan; laguntzak eman eta ekipamenduak nahiz instalazioak zuzkitu dira, beharrizan bereziak dituzten pertsonentzat; gainera, erkidegorako proiektu interesgarriak eta gazteentzako hezkuntza programak (lan-aukerak hobetzen dituzten funtsezko arloetan) garatu dira.
• Hobekuntzak egin dira enplegatuak enpresaren helburuak lortzearen arloan.
• Hobetu egin da ospe korporatiboa eta interes taldeekiko ospea: enplegatuak, auzokoak eta erakundeak.
• Optimizatu egin da ingurumen-osagaia.
• Elkartasun-kultura sortu da erkidegoan, baita ingurumenarekiko erantzukizun-kultura ere, bai enplegatuen eta bai auzokoen artean.
• Alcoa munduko enpresarik iraunkorrenetariko bat da, Davosko (Suitza) Foroak dioenez.

•  “Ekintza” eta “Adore” planek eskainitako aukerak garatzen eta arlo horretan aurrerapausoak ematen jarraitzea. Data: 2006ko azaroa.