XERTATU

• 2003. Enpresa sortzeko urtea.
• 2004. Ekoskan arauaren ziurtagiria.
• 2004. Nupilac Hidro laka intsektizida merkatura irten zen.
• 2005. Nazioartean hedatzeko prozesuaren hasiera.
• 2006. Akzesita garapen iraunkorrerako produktuaren kategorian, Ingurumeneko Europako sarien Espainiako atalean.
• 2006. Euskadiko Ingurumen Saria, Eusko Jaurlaritzako Ingurumen Sailak emana.
• 2006. Europako Ingurumen Saria, produktuaren kategorian. Aipagarria da garapen iraunkorra sustatzeagatik nabarmendu den produktu berri baten garapena.
• 2006. Teknologiaren arloko mundu-sarietan finalista, Ingurumenaren kategorian (San Franciscoko The World Technology Centre deritzonak antolaturiko sariak).
• 2006. Euskal Enpresa sarietarako izendatua.

DTS Oabe 2003an sorturiko mikroenpresa da; bere helburua produktu biozidak garatzea, fabrikatzea eta merkaturatzea da, Ingurumen eta elikadura osasunerako, legionela kontrolatzeko eta zura babesteko. Proiektuaren jatorritik, sustatzaileek sektorea hobetzeko apustua egin dute, eta hobekuntza hori osasunaren eta ingurumenaren gaineko eraginean oinarritzen da. Konpromisoa bi alderditan gauzatu da:

• Produktu biozida berriak ikertzea eta garatzea, osasunari eta ingurumen-iraunkortasunari loturiko parametroetan oinarrituz.
• Enpresaren kudeaketan garapen iraunkorreko irizpideak aplikatzea.

Ondoren, adibiderik adierazgarrienetariko batzuk azalduko dira:

Berrikuntza, lehengai arriskutsuen erabilera murrizteko. Arlo honetan, Nupilac Hidro produktua garatu da; horren helburua alde onak mantentzea eta alde txarrak ezabatzea da, disolbagarri organikoetan oinarrituriko betiko lakei dagokienez. Enpresak garaturiko laka uretan oinarritzen da eta horrek ordeztu egiten ditu orain arte erabilitako produktuak. Horrela, sorturiko laka intsektizida iraunkorra eta eraginkorra da, erraz aplikatzekoa; berehalako eragina dauka, ez du toxikotasun dermikorik nahiz arnasketa mailakorik, ez da sukoia, ez du berriro sartzeko eperik eta ez du gas-isurpenik egiten atmosferara.

Kudeaketa
Garapen iraunkorrarekiko konpromisoa, bestalde, ingurumen-hobekuntzako plan antolatu batean gauzatu da; bertan, enpresaren eguneroko kudeaketaren ekimen batzuk jasotzen dira:

• Ingurumen-alderdi nagusien identifikazioa eta ebaluazioa.
• Industria ontzien %44 berriro erabiltzea eta gainerakoak kudeatzeko konpromisoa hartzea, horien bilketa ezinezkoa den lekuetan.
• Hozkuntza-uraren kontsumoa murriztea, zirkuitu itxiak instalatuta.
• Langileen ingurumen-sentsibilizaziorako heziketa-ekintzak.

• Nupilac Hidro produktuak, osagaien artean petroliotik eratorritako disolbagarririk ez duenez, ez dauka sukoitasun-ezaugarririk eta ezabatu egiten ditu osagai organiko hegazkorren (OOHak) isurpenak (atmosferara egindakoak). Gainera, 5 aldiz kantitate txikiagoa behar da, beste produktu konbentzional batzuetan baino, eta horrek %40an handitu du produktuaren bitarte ekonomikoa.
• Onarpena eta kalitate-irudia merkatuan.

• Ingurumenarekin eta iraunkortasun-politikekin bateragarriak diren produktuak garatzen jarraitzea.
• Nazioartean hedatzeko prozesuari jarraipena ematea.
• • ISO 9.000 eta ISO 14.001 ziurtagiriak lortzea. Data: 2006ko urria.