XERTATU

• 1989. Euskadiko Aurrezki Kutxek (BBK, Kutxa eta Vital) enpresa sortu zuten.
• 1997. Zerbitzu guztietarako Iso 9002 ziurtagiria lortu zuen burtsa-sektoreko lehenengo enpresa.
• 2000. Interneten Norbola Broker abiatzea, eta 13 finantza-erakunderen banku elektronikoetan sartzea.
• 2000. Kalitatearen zilarrezko Q lortu zuen, Euskalitek emanda, EFQM ebaluazioan 400 puntuak gainditu baitzituen.
• 2001. Iso 2001:2000 ziurtagiria.
• 2002. Finalistak EQA deritzonean (European Quality Award), EFQM ebaluazioan 550 puntu gaindituta, eta honako alderdi hauetan nabarmenduta: berrikuntza teknologikoa, kudeaketa-sistema integratu baten garapena eta benetako garapena ETE gisa.
• 2004. Erantzukizun Sozial Korporatiboko XERTATU foroan sartu zen.
• 2005. Norbolsa Broker izenekoaren sarrera, Telebista Digital Elkarreragilea.
• 2005. Erantzukizun Sozial Korporatiboaren arloko lehenengo diagnostikoa.
• 2006. 2006-2010eko Plan Estrategiko berria.
• 2006. NorbolsaBroker Mugikorra eta Norbolsa Aholkularitza & Lorpenak zerbitzu berria.

1989an sortu zenetik Norbolsa S.V., S.A. sozietatearen garapen-estrategia funtsezko bi euskarritan oinarritu da: kalitatea eta berrikuntza. Bi alderdi horiek bezeroari begira garatu dira, baina ez horren itxaropenak eta eskariak betetzeko bakarrik: horrek etorkizunean izango dituen beharrizanei aurrea hartzeko ere bai. Horri dagokionez, azken joerak eta aurrerakuntzak jaso dira, eta gainera, erabiltzailearentzako zerbitzu osagarriak garatu dira.

Bide bereizgarri hori eragin duen iritzia: konpainiaren aurrerakuntza pertsonek eragiten dute, euren profesionaltasunaren, enpresako kide izatearen sentimenduaren, enpresako helburuekin eta garapenarekin identifikatzearen bidez. Estrategia hau islatzen duten jarduketa-ildo nagusiek funtsezko 3 ardatz dituzte: bezeroak, pertsonak eta gizartearekiko konpromisoa.

Bezeroak:

• Bezeroen poztasuna neurtzeko 2 tresna ditu enpresak: inkestak eta bezeroaren termometroa. Horietan oinarrituz, berrikuntza zerbitzu eta lankidetza berrien eran proiektatzen da.

• Bezeroaren arretaren arloko eta sistemen arloko pertsonek osaturiko unitate berria sortu da, bezeroengana gehiago hurbiltzeko, zentzu kualitatiboagoan. Sistema horrek bezero bakoitzaren jarraipen estua egiteko aukera ematen du.

• Horri esker, enpresak zerbitzua nazioartean hedatzeko laguntza ematen die bezeroei; gaur egun, izan ere, sortzen diren bitartekaritza-artekaritza guztien %25 nazioarteko merkatuetatik datoz.

• Europako MiFID Zuzentaraua indarrean sartu baino lehen, Norbolsa jarduketa jakinak garatzen ari da, barne-prozesuetan eta bezeroekiko nahiz azken inbertitzailearekiko harremanetan gardentasuna sustatzeko. Plan honen barruan, besteak beste, honako elementu hauek sartzen dira: jokabideko barne-araudia, merkaturatze- nahiz informazio-prozeduren gida eta bezeroekiko jardunaldiak (azken inbertitzailearengana iristen diren ekintzak sustatzeko).

Pertsonak:

• Langileriaren zati handiak parte hartzen du 2006-2010eko plan estrategiko berriaren prestakuntzan.

• Pertsonen lanbide-garapena funtsezko gakoetarikoa da enpresarentzat. Banakako helburuen sistema dago eta horiek lerrokaturik daude helburu orokorrekin; halaber, langile bakoitzaren gaitasunak ebaluatzeko prozesua dago eta horrek laguntza ematen du enplegatuen lanbide-garapena proiektatzeko. Lanbide-garapeneko beste elementuetariko bat, bestalde, pertsonak berrikuntza-proiektuetara lotuta gauzatzen da, eta horrela segurtatu egiten da motibazioa, proiekzioa eta lanbide-hazkundea pertsonentzat.

• Gizonen eta emakumeen arteko aukera-berdintasuna sustatzeko politika argia dago, eta hori emakumeak enpresako maila guztietan duen presentzian gelditzen da agerian. Enpresak bizitza pertsonala eta lanbide-bizitza konbinatzeko sistema malgua garatu du.

Konpromisoa gizartearekin:

• Zerbitzuen weba euskaraz eta denbora errealean duen sektoreko enpresa bakarra da.

• Norbolsak buruzagitza-eginkizuna dauka, EAEko finantza- eta burtsa-iritziaren eraketan.

• Norbolsak bere jardunbide onak partekatu eta EESaren aurrerakuntza sustatzen du, zenbait programatan eta forotan.

• Enpresaren hazkundea eta finkapena sektorean.
• Kanpoko errotazio ia deuseza, mugikortasun handiko sektore batean.
• Bezeroen poztasun-indizeak 8tik gorakoak, 10eko eskala batean.
• Buruzagitza errentagarritasunean, burtsako sozietateen sektorean (%23ko IBT).

• Pertsonen kudeaketan aurrerapausoak ematen jarraitzea.
• 2006-2010eko Plan Estrategiko berria, NorbolsaBroker Mugikorra eta Aholkularitza & Lorpen zerbitzu berria garatzea. Data: 2006ko abuztua