XERTATU

Egitekoa / Ikuspegia / Balioak

Gure konpromisoa

Xertatu Taldea Bizkaian Enpresen Gizarte Erantzukizuna sustatzeko arlo publikoan eta pribatuan lan egiteko eta lankidetzarako talde bat da, Bizkaian EGEren sustapenean jarrera aktiboa duten hainbat eragilek osatzen dutena eta honako ezaugarriak dituena:

• EGEri dagokionez, “interes-talde” ezberdinetakoak diren elkarteak biltzen ditu, Xertatu Taldean batera ari direnak, elkarrekiko errespetua eta onarpena abiapuntu hartuta.
• Talde operatibo eta exekutiboa da, baita elkarrizketa, trukatze eta eztabaidarako foro bat ere.

Egitekoa

Bizkaian Enpresen Gizarte Erantzukizunaren kultura sustatzea eta enpresetan gauzatzeko aukerak ematea, bereziki enpresa txiki eta ertainetan.

Ikuspegia

Europa mailan EGEren sustapenaren arloan erreferentea den arlo publiko eta pribatuko lankidetzarako ekimena izatea, bere estrategia eta jardueretan EGE sartzen duten Bizkaiko enpresei begira lortutako emaitzengatik onetsia eta hiru etapatara orientatuta dagoelako identifikatzen dena:

o EGE enpresen kulturan eta estrategian: EGE enpresen kulturan aldaketa bat bezala ulertzen dugu, enpresaren estrategian EGE sartzea dakarrena, kudeaketan bikaintasuna lortzeko.

o EGE, berrikuntza eta lehiakortasuna: EGEren aldeko gure lana Bizkaiko enpresetan berrikuntza, desberdintze eta lehiakortasunaren arloko hobekuntzarako ikuspegi bezala planteatzen dugu, EGE gauzatzeak enpresei onurak (ukigarriak eta ukiezinak) dakarzkiela uste baitugu.

o EGE eta eskualde-garapen iraunkorra: Enpresak garapen iraunkorrean betetzen duten paperaz kontziente izatea nahi dugu, gizarte arloan egituratuta dagoen eta ingurumenarekiko begirunetsua den ingurunea bizitzeko atsegina eta negozioak egiteko aproposa den ingurunea baita.

Balioak

Xertatu Taldeak jarduteko bere oinarrizko printzipioak diren honako balioen bidez gauzatzen du bere konpromisoa:

1. Lankidetza… …eta Xertatu Taldean parte hartzen duten erakundeen eta EGE sustatzen duten beste eragile aktiboen arteko baterako lan koordinaturako borondatea. Honakoa nabarmenduz:

• Gardentasuna… bai pertsonei, gizarteari eta enpresei begirako ekimenen arloan, zein Xertatu Taldean parte hartzen duten erakundeen arteko komunikazioan.
• Partaidetza… EGEren sustapenean dauden “interes talde” ezberdinena, Xertatu Taldean talde hauetakoak diren erakundeak elkarrekin batera arituz, elkarrekiko errespetua eta onarpena abiapuntu hartuta.
• Borondatezkotasuna… erakundeek Xertatu Taldean libreki parte hartuz, irabazteko asmorik gabe.
• Irekitasuna… lankidetzarako beste esperientzia batzuetarako, EGE Europa mailan eta nazioarte mailan sustatzeko.

2. Zerbitzua… …enpresei EGE garatzeko tresna praktikoak eta benetan erabilgarriak diren laguntzak eskaintzeko asmoz. Honakoak nabarmenduz:

• Errealismoa… enpresak bere jarduteko arlo guztietan daukan ekonomiaren, gizartearen eta ingurumenaren gaineko eraginaren azterketa kritikoa proposatuz, enpresak bizirik irauteko eta kalitatezko enplegua eta aberastasuna sor dezan, bideragarritasun ekonomikoa beharrezko baldintza dela onartuz.
• Hurbiltasuna… bidea enpresekin batera egiteko eta enpresen esperientzia bizietatik ikasteko.